---

May anim (6) na yunit ang Dibisyong ito: Yunit ng Pantauhan; Yunit ng Badyet; Yunit ng Pagtutuos; Yunit ng Kas; Yunit ng Kasulatan at Yunit ng Panustos.

Mga Pangunahing Tungkulin:

1 . Ang Yunit ng Pantauhan any nangangalaga sa lahat ng mga bagay pantauhan.

2. Ang Yunit ng Badyet ay nagbibigay sa pangasiwaan ng mga impormasyong pinansyal na makatutulong sa mga pakilusang dibisyon tulad ny pagpaplano, pangangasiwa at pagtutugma ng kanilang mga gawain at programang may kinalaman sa pananalapi. Ito rin any yunit na naglalapat ng mga kontrol na pambadyet at paghahanda ng panukalang badyet.

3. Ang Yunit ng Pagtutuos ang namamahala sa pagpapanatili ng mga record sa pagtutuos. Ito rin ang yunit na nangangalaga sa kaligtasan ng pananalapi at ari-arian ng pamahalaan.

4. Ang Yunit ng Kas ang namamahala sa pagbabayad ng mga botser tungkol sa SUWELDO, TEV, RATA, PERA, REIMBURSEMENT, mga bayarin sa telepono, elektrisidad, tubig, janitorial services, pagreretiro at iba pang payroll ng mga bayaring benepisyo.

5. Ang Yunit ng Kasulatan ang siyang nagpapanatili sa sentralisadong sistema ng pagrerekord. Ito rin ang yunit na namamahala sa pagysasapanahon ng personnel files/service records ng mga puno, pinuno at kawani ng KWF at nag-iingat sa lahat ng mga kasulatan, ulat at/o dokumento ng opisina.

6. Ang Yunit ng Panustos naman ang siyang namamahala sa pamimili, pag-iingat at pamamahagi ng mga panustos, gamit at kasangkapan na kailangan sa mga gawain ng

KWF. Ito rin any naghahanda ng mga RIV, Purchase Orders, Job Orders, Abstract of Canvass, Inspection Report at iba pang may kinalaman sa Panustos.

Balik sa Organisasyon