| 
  • If you are citizen of an European Union member nation, you may not use this service unless you are at least 16 years old.

  • Stop wasting time looking for files and revisions. Connect your Gmail, DriveDropbox, and Slack accounts and in less than 2 minutes, Dokkio will automatically organize all your file attachments. Learn more and claim your free account.

View
 

DepEd Rehiyonal na Superbisor sa Filipino, tumanggap ng  2007 Give-a-Hand Award

Page history last edited by PBworks 12 years, 8 months ago

 

DepEd Rehiyonal na Superbisor sa Filipino, tumanggap ng  2007 Give-a-Hand Award

 

Tumanggap ng 2007 Give-A-Hand Award si Dr. Elvira Directo, isang Rehiyonal na Supervisor sa Filipino ng Kagawaran ng Edukasyon (NCR-Elementarya)  dahil sa kanyang  programa  na pinamagatang Panimulang Pagbasa sa Filipino sa Elementarya.   Ang programang ito ay binubuo ng mga modyul sa pagtuturo ng panimulang pagbasa sa elementarya na sinubok sa iba’t ibang rehiyon sa Pilipinas.

 

 

Sa ika-19 ng Nobyembre nakatakdang magtungo sa New York si Directo upang tanggapin ang naturang parangal at makibahagi na rin sa World Children’s Day na gaganapin sa ika-20 ng Nobyembre 2007.  Ang parangal na ito ay itinataguyod ng Ronald McDonald House of Charities na sasagot sa lahat ng gastusin ni Dr. Directo at ang kanyang isang kasama sa pagpunta sa New York.  

 

 

Paghataw ng Tagalog sa isang Pamantasan sa Estados Unidos

 

Binibigyan na ngayon ng malalim na pansin  sa ibang bansa, lalo na sa Estados Unidos ang isa sa mga wika ng Pilipinas. Ayon kay Tarra Quismundo sa kanyang artikulo sa Inquirer.net*, sa walong taong pagtuturo ng mga kurso sa wikang Tagalog sa University of Washington, unti-unti na itong binibigyang pansin ng mga mag-aaral ng naturang pamantasan. Sa katunayan, ito na ngayon ang pinaka-pinag-aaralang wika sa Timog-Silangang Asya sa University of Washington na mayroong  60 estudyante  kumpara sa 50 na kumukuha ng Vietnamese, 33 ng Thai, 22 ng Bahasa Indonesia at 4 ng Burmese.

 

Bagamat nawala noong 1970s hanggang 1980s, bumabalik na ngayon ang interes ng mga estudyante sa wikang Tagalog na nasa ilalim ng Department of American Ethnic Studies. Nahahati sa tatlong lebel ang pagtuturo rito, elementary, intermediate at advanced. Tinatayang 40 estudyante ang nasa unang lebel, 15 sa ikalawa at 5 sa huli.  Ang mga numerong ito, ayon kay Jiedson Domigpe, nag-iisang guro sa Filipino ng UW, ay indikasyon ng lumalaking interes ng mga estudyanteng pag-aralan ang Pilipinas. Sa katunayan, hindi na lamang mga estudyanteng may dugong Filipino ang nag-aaral ng wikang Tagalog, mayroon na ring Chinese, Vietnamese at Anglo (Caucasians na nagsasalita ng Ingles).

 

 

Ayon kay Domigpe, nararapat lamang na bigyan pagkilala ang mga guro Pilipinong  at propesor na  sina Francisco Benitez, Vicente Rafael at Butch de Castro, na siyang nasa likod ng lumalalim na interes sa wikang Filipino. Umaasa na sila na magiging permanenteng bahagi na ng kurikulum ang wikang Tagalog. Bukod dito, nagpaplano na rin si Domigpe na magsimula ng isang Filipino newsletter sa UW, na magpapakita ang mga sulatin ng mga estudyante sa Filipino at maging sa Ingles. Umaasa siyang ito na ang magiging daan sa mga diskusyon ng mga isyu na may kinalaman sa kulturang Pilipino upang makalikha ng sense of community sa mga Pilipino at Pilipino-Amerikano sa buong UW campus.     

 

 

*Galing sa http://globalnation.inquirer.net/news/breakingnews/view_article.php?article_id=100015

 

‘Miskol’ – itinanghal naWord of the Year

 

 

Tinalo ng ‘miskol’ ang mga salitang ‘roro’ at ‘friendster’ upang maging Word of the Year sa botohan ng mga pantas sa wikang Filipino, mga guro at estudyante na naganap sa isang kumperensya sa Unibersidad ng Pilipinas. Ito ay ayon kay Alexander Villafania sa kanyang artikulo sa Inquirer.net*.

 

Ang salitang ‘miskol’ay Filipino homonym ng ‘missed call’ – o isang tawag na hindi natanggap ng tinatawagan.

 

Sa isang presentasyon sa Sawikaan: Salita ng Taon Conference, sinabi ni Professor Adrian Remodo ng Ateneo de Naga na ginagamit ang ‘miskol’ bilang isang alternatibong paraan upang iparamdam ang presensya ng isang tao. Ayon pa sa kanya, maaaring ang ibig sabihin nito ay, "Buhay pa ako, Magparamdam ka naman."

 

Ginagamit din ang ‘miskol’ tuwing nagpapalitan o nagbibigayan ng numero sa cellphone ang dalawang tao. Sinasabi ang "Miskulin mo ako" upang mailagay sa directory ng cellphone ang numero ng taong nag-miskol.

 

Pangalawa na ang ‘miskol’ sa natanghal na Word of the Year na nagmula sa malawakang paggamit ng cellphones sa bansa. Nauna dito ang "lobat" (low battery), na siyang nanalo noong nakaraang taon.

 

 

Ang taunang Sawikaan na pinopondohan ng National Commission for Culture and the Arts at ng Blas Ople Foundation ay ginaganap upang kilalanin ang malaking bahaging ginagampanan ng wika sa pag-unawa  ng mga Pilipino ng mundo.

 

 

*Galing sa http://newsinfo.inquirer.net/breakingnews/infotech/view_article.php?article_id=82266

 

 

 

Comments (0)

You don't have permission to comment on this page.